Prezidentlik müddəti bitdikdən sonra Ağ Evdə qoymalı olduğu sənədləri Florida ştatındakı Mar-a-Laqodakı evinə aparan Donald Tramp bəzi sənədləri tualetdə saxlayıbmış.
Musavat.com xəbər verir ki, Trampa qarşı irəli sürülən 49 səhifəlik iddianamədə evdəki faylların vəziyyətini göstərən fotoşəkillər də yer alıb.
2021-ci ilin aprelində vanna otağına qoyulduğu bildirilən qutular iyun ayına qədər orada qalıb.
Qeyd edək ki, Trampın 2021-ci ilin yanvarında qanunsuz olaraq özü ilə götürdüyü qutularda nüvə sirlərindən tutmuş xarici hərbi hesabatlara qədər bir sıra məxfi sənədlər olub.
ABŞ-ın federal məhkəmədə mühakimə olunan ilk prezidenti Donald Tramp çərşənbə axşamı Mayamidə ilk məhkəmə iclasına gələcək. Trampın həbs olunacağı gözlənilmir.
Şərhlər