"Mən Beynəlxaq Qızıl Xaç Komitəsinin (BQXK) atamla bağlı məlumatlarına inanmıarm".
Bunu Kəlbəcərdə doğmalarının qəbrini ziyarət edən zaman erməni işğalçılar tərəfindən girov götürülmüş Dilqəm Əsgərovun oğlu Kürdoğlu Əsgərov ANS PRESS-ə bildirib.
Onun sözlərinə görə, BQXK, ATƏT, BMT -nin İnsan Hüquqları, Qaçqınlar Üzrə Ali Komissarlığı və s kimi təşkilatlara müraciət olunub. Amma heç birindən məlumat verilmir.
Kürdoğlu Əsgərov son dəfə noyabr ayının 5-də atasından məktub gəldiyini deyib. O, bildirib ki, məktubda atası vəziyyətinin yaxşı olduğunu qeyd edib.
Xatırladaq ki, Şahbaz Quliyev, Dilqəm Əsgərov iyulun 11-də Kəlbəcərdə girov düşüb. Həsən Həsənov isə saxlanılarkən öldürülüb.
Ermənilər saxlanılan şəxsləri diversant kimi təqdim edir. Xankəndində Dilqəm Əsgərov və Şahbaz Quliyev üzərində "məhkəmə" qurulub.
Şərhlər