“Təhsilimizin sıfırları” – Təhsil eksperti maraqlı faktlar açıqladı

Təhsil eksperti Kamran Əsədov “facebook” səhifəsindən təhsillə bağlı düşündürücü göstəriciləri paylaşıb. O, paylaşımını “Təhsilimizin sıfırları” adlandırıb. 

“AzPolitika.info” ekspertin qeydlərini təqdim edir: “Bu il magistr olmaq istəyən 1670 nəfər 0-30 bal toplayıb. İmtahanlarda 24118 bakalavr iştirak edib, maksimum toplana biləcək bal 100-dür;

Sertifikasiya imtahanında iştirak edən müəllimlərin 35 faizi 0-29 bal toplayıb. Keçid balı 30 baldır. Sertifikasiyada 38 min müəllim iştirak edib. 223 müəllim isə 0-9 bal arası bal toplayıb;

I–IV qrup üzrə qəbul imtahanlarında abituriyentlərin 42,79%-i 0-200 bal arası nəticə göstərib. Bu təxminən 31.000 abituriyent edir”.

“Heç bir təhsil sisteminin səviyyəsi müəlliminin səviyyəsindən yüksək deyil” – deyə, o, qeyd edib.

“AzPolitika.info”