Azərbaycan Mərkəzi Bankının (AMB) sədri Taleh Kazımov özünə daha bir müşavir təyin edib.
AMB-dən verilən məlumata görə, bu, Şahin Mahmudzadədir.
Yeni təyinatla sədrin müşavirlərinin sayı 3-ə çatıb.
Ş.Mahmudzadə 1992-ci ildə Bakıda anadan olub, 2015-ci ildə Ankara Universitetini “Maliyyə” ixtisası üzrə bakalavr, 2016-cı ildə Sabancı Universitetini “Maliyyə” ixtisası üzrə magistr dərəcələri ilə bitirib, 2013-cü ildə Erasmus Proqramı çərçivəsində Belçikanın KU Leuven universitetində “İqtisadiyyat və İdarəetmə” ixtisası üzrə 1 illik təhsil alıb, həmçinin "Chartered Financial Analyst" (CFA) sertifikatına yiyələnib.
O, əmək fəaliyyətinə 2016-cı ildə AMB-nin Pul siyasəti departamentində başlayıb, 2018-ci ildən “Paşa Həyat Sığorta” ASC-nin Risklərin idarə edilməsi departamentinin Kredit bazar və likvidlik risklərinin idarəedilməsi şöbəsinin baş mütəxəssisi, 2020-ci ildə şöbənin müdiri, 2021-cil ildən isə departamentin direktoru işləyib, bu aydan isə AMB-nin komandasına qoşulub.
Şərhlər
«Halaldı» ,işləyə-işləyə bir ildə üç-dörd təhsilə yiyələnib , bu adamlarda ölkəmiz kimi analoqsuz sürətlə irəliliyirlər ,birdə ki bu müşavir bizim idarəetmə sistemimizə necə giribsə çıxartmaq olmur ,özü də hər vəzifəlilərin 9-10 müşaviri olur ,bunlar varsa ,onda müavinlər nə işə yarayır ?