Ekvadorun Sakit okean sahilində yerləşən liman şəhəri Mantanın meri Aqustin İntriaqo bazar günü siyasi ictimaiyyəti heyrətə salan hücumda həlak olub.
“AzPolitika.info” bu barədə “Reuters”ə istinadla xəbər verir.
Polis fevral ayında yenidən Manta meri seçilən 38 yaşlı İntriaqonun sui-qəsd zamanı şəhərdə ictimai işlərə baxış keçirdiyini bildirib.
Regional polis komandiri Edvin Noguera jurnalistlərə bildirib ki, silahlı şəxs oğurlanmış yük maşınından düşüb İntriaqoya atəş açıb, onu və həmin vaxt merin yanında olan qadını vurub. Hər ikisi aldığı xəsarətlərdən dünyasını dəyişib.
Merin mühafizəçiləri cavab atəşi açaraq avtomobilin sürücüsünü yaralayıb. Noguera bildirib ki, həmin şəxs Venesuela vətəndaşı olub, əvvəllər cinayət keçmişi olmayıb. Qatilin hazırda polis nəzarəti altında xəstəxanada müalicə olunduğu qeyd olunur.
Rüfət
AzPolitika.info
Şərhlər