Dövlət Gömrük Komitəsinin Şimal Ərazi Baş Gömrük İdarəsinin Şirvanlı Gömrük Postunun rüşvət almaqda təqsirləndirilən keçmiş əməkdaşı Cavid Məmmədov azadlığa buraxılıb.
"Report" xəbər verir ki, bu barədə qərar Bakı Ağır Cinayətlər Məhkəməsinin hakimi Əhməd Quliyevin sədrliyi ilə keçirilən prosesdə elan edilib.
Qeyd edək ki, C.Məmmədov bu ilin yanvar ayında Baş prokuror yanında Korrupsiyaya qarşı Mübarizə Baş İdarəsinin əməkdaşları tərəfindən keçirilmiş əməliyyat zamanı saxlanılıb.
Həmin vaxt Baş Prokurorluğun yaydığı rəsmi məlumata görə, C.Məmmədovun postda yoxlama tədbirlərinin səthi və sürətli aparılması müqabilində, eləcə də dəfələrlə müxtəlif məbləğlərdə pul vəsaitlərini üzərində gizlədib bəyan etmədən Rusiyaya qanunsuz keçirilməsinə köməklik göstərilməsi müqabilində vətəndaşlardan rüşvət almasına əsaslı şübhələr müəyyən edilib.
Bununla da Cinayət Məcəlləsinin 311.2-ci (rüşvət alma) və 311.3.2-ci (təkrar rüşvət alma) maddələri ilə ittiham elan edilərək onun barəsində məhkəmənin qərarı ilə həbs qətimkan tədbiri seçilmişdi.
Şərhlər
Malades!Həm hummanitst,həm də qanunun aliliyinə xidmət edən məhkəmələrimiz varmış.Nə rüşvət.nə tapşırıq! Heç nəyə baxmaz.qanunun aliliyini rəhbər tuturlar.Dünyada belə məhkəmə sistemi var?BBela hal harada var? u gün həbs qərarı,bir neçə gündən sonra azadlıq!
Azərbaycanda məhkəmə sistemi komik vəziyyətdədir. Bu gün həbs qəti imkan tədbiri qəraı çıxarıb səhəri qərar dəyişir.Bu necə baş verir?Niyə buna diqqət edən tapılmır:Bu qədər qanuna saymamazlığın SƏBƏBİ nədir?Əgər əvvəlki qərar səhv idisə o zaman səhv qərar çıxaran hakimə qarşı hansı tədbir görülüb? Niyə məhkəmədəki bazar heç kimi maraqlandırmır.7