2023-cü ilin iyulunda Rusiya Prezidenti Vladimir Putin rekord sayda məxfi fərman imzalayıb.
“AzPolitika.info” “Mediazona”ya istinadla xəbər verir ki, prezident sənədlərinin 62%-i mətbuatda dərc olunmayıb.
Qəzet yazır ki, iyulun 27-dən 31-dək 12 gizli fərman imzalanıb ki, bu, bütün müharibə dövrü üçün maksimum rəqəmdir. Təkcə iyul ayında imzalanmış məxfi fərmanlar 1999-cu ildən bəri bu qəbildən olan bütün sənədlərin 64%-ni təşkil edir.
“Mediazona”nın məlumatına görə, gizli fərmanlar əsasən müharibə veteranlarının, o cümlədən onların ölümündən sonra mükafatlandırılmasına aiddir. Belə ki, 2022-ci ilin martında Rusiya təcavüzünün başlanğıcında məxfi fərmanların payı 54%-ə çatırdısa, indi Ukraynanın genişmiqyaslı əks-hücumları fonunda daha da artıb.
“Mediazona” Prezidentin ilin əvvəlindən dərc olunmuş bütün sərəncamlarını təhlil edib. Onların hər birinin seriya nömrəsi var. Əgər nömrə çatışmırsa, bu o deməkdir ki, fərman məxfi elan edilib.
“AzPoltika.info”
Şərhlər