"Milli Cəbhə Partiyası yenidən qeydiyyatı ilə bağlı Ədliyyə Nazirliyi cavab göndərib. Biz 5396 nəfər üzvlərin məlumatını göndərmişdik. Onlardan 845 nəfərin məlumatlarının dəqiqləşdirilməsi tələb olunur".
Bunu MCP-nin sədri, deputat Razi Nurullayev deyib. Onun sözlərinə görə, 90 nəfərin başqa partiyanın üzvü olduğu, 74 nəfərin öldüyü, 5 şəxsin 18 yaşına çatmadığı və 29 nəfərin məlumatlarının təkrarlandığı bildirilir.
"210 nəfər MCP üzvü olmadığını deyib, 53 telefon nömrəsi 639 partiya üzvünə münasibətdə əlaqə vasitəsi kimi göstərilib (bu təbiidir, çünki, ailələr üzv olub, bir telefon göstəriblər, yaxud qadınlar öz telefon nömrələrini yox, yaxınlarının nömrəsini verirlər). Siyahımızda ciddi problemlər yoxdur, deyilən çatışmazlıqları aradan qaldırıb yenidən təqdim edəcəyik. Təqdim etdiyimiz 5396 nəfərdən 3504 nəfər qəbul edilib. 845 nəfərin sadəcə bəzi məlumatları dəqiqləşdirilməlidir və bunu edəcəyik. Bu rəqəmi də üzərinə gəlsək bu günə aşağı-yuxarı 4349 nəfər var", - deyə partiya sədri bildirib.
Qeyd edək ki, partiyanın qeydə alınması üçün ən azı 5 min üzvün olması tələb olunur.
Şərhlər
Həzrət Abbas haqqı Razinin partapartiyası qeydiyyatdan keçməsə Azərbaycanda bir daha günəş çıxmaz, ağaclar bütünlüklə karbon qazı buraxar, çaylar tərsinə axar, yağışlar yerdən göyə yağar, ən dəhşətlisi də odur ki, Elza Seyidcahan adam balası kimi seir yaza bilər. Bir sözlə dambadurum olar. İndi baxın də.. razısınızsa qeydiyyata almayın...