Xəbər verdiyimiz kimi, ötən gecə Azərbaycanın cənub bölgəsində zəlzələ baş verib.Yerli vaxtla saat 01:23-də Masallı və Cəlilabad rayonlarının inzibati sərhədində 5 maqnitudada zəlzələ olub.
Bu barədə Azərbaycan Milli Elmlər Akademiyası nəzdində Seysmoloji Xidmət Mərkəzindən bildirilib.
Məlumata görə, zəlzələ ocağı 13 km dərinlikdə yerləşib. Zəlzələ episentrdə 4 baldan yuxarı, ətraf rayonlarda isə 3 bala yaxın hiss edilib.
Təbii hadisə bir sıra rayonlarda, o cümlədən Beyləqanda, Yardımlıda, Saatlıda, Lerikdə hiss edilib.
Ötən gecə Azərbaycanın cənub bölgəsində baş verən zəlzələnin görüntüləri yayılıb. Müşahidə kameraları yerin necə titrədiyini qeydə alıb::
Şərhlər