Gürcüstan BMT Təhlükəsizlik Şurasının (TŞ) toplantısının çağırılmasını istəyir. Musavat.com-un gürcü elektron portalına istinadən verdiyi xəbərə görə, bu barədə ölkənin xarici işlər naziri Tamar Beruçaşvili bildirib.
Onun sözlərinə görə, müvafiq xahiş-müraciət artıq göndərilib.
Moskva və Suxumi arasında “Müttəfiqlik və strateji tərəfdaşlıq” Müqaviləsinin imzalanmasına toxunan nazir belə bir aktı Abxaziyanın Rusiya tərəfindən de-fakto ilhaqı yolunda addım adlandırıb və beynəlxalq birliyə səslənərək onu bir daha Kremlin hərəkətlərini pisləməyə çağırıb.
“Gürcüstan hökuməti bu qanunsuz addımı hiddətlə pisləyir. Sənəd adlanan bu anlaşma 2008-ci ilin 12 avqustunda atəşkəs haqda Rusiyanın öz üzərinə götürdüyü öhdəliklərin də kobud şəkildə pozulmasıdır və Avropa təhlükəsizliyi kontekstində neqativ nəticələr doğuracaq” – deyə, XİN başçısı qeyd edib.
Şərhlər