Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Azərbaycan Ordusunun Xocavənd rayonu istiqamətində döyüş növbətçiliyi aparan hərbi qulluqçularına qarşı itdən sui-qəsdçi kimi istifadə etməklə terror aktı törətməyə cəhd edən Rusiya sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin bu əməlini “əxlaqsız terror aktı” kimi qiymətləndirib.
Bu barədə Prezidentin köməkçisi sosial şəbəkədə yazıb.
“Ermənistan silahlı qüvvələrinin və marionet rejiminin qanunsuz qüvvələrinin uzaqdan idarəolunan partlayış bombası ilə təchiz edilmiş itlərdən istifadə etməklə Azərbaycan forpostuna qarşı növbəti əxlaqsız terror aktı. Əxlaqsızlıq sərhəd tanımır!”, - o qeyd edib.
Xatırladaq ki, sentyabrın 11-i saat 08:30 radələrində Rusiya sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələri Ordumuzun Xocavənd rayonu istiqamətində döyüş növbətçiliyi aparan hərbi qulluqçularına qarşı itdən sui-qəsdçi kimi istifadə etməklə terror aktı törətməyə cəhd göstəriblər.
Yet another immoral terror act by the elements of armed forces of Armenia and illegal forces of puppet regime against Azerbaijani outpost by using dogs equipped with remotely detonated bomb. İmmorality knows no bounds! #dogs #AnimalRights pic.twitter.com/hQPvSUwD1O
— Hikmet Hajiyev (@HikmetHajiyev) September 11, 2023
Şərhlər
Vatikan ilk ünvan olmaqla, bütün dini və ekoloji təşkilatların diqqətini Qarabağdakı erməni qalıqlarının bu ikili soyqırım cinayətinə bütün media qurumlarının yayımlasını RİCA edirəm!
1943-cü ildə Kursk savaşında,böyük tank savaşı deyilən savaşda döyüşmüş qocaman bir rusdan eşitmişdim ki,itlərdən terrorçu kimi tarixdə ilk dəfə ruslar tərəfindən alman tanklarına qarşı o savaşda istifadə edilmişdir.Deyirdi ki,yoxsa alman tanklarına qarşı dayanammazdıq.”Savaşdan həftələrlə əvvəl itləri ac saxlayırdıq.Sonra öz tanklarımızın altına ət atıb itləri buraxırdıq,ildırım kimi cumurdular tankların altına.Beləcə onlarda refleks yaranmışdı ki,qarın dolusu yemək yalnız və yalnız hərəkət edən böyük dəmirlərin,yəni tankların altındadır.Alman tanklarının hücum edəcəyi günü bilirdik.Hücum olacaq gün tanklarımızı geri çəkdik ki,itlərimiz öz tanklarımızın altına girməsinlər.İtlərin qarnına,belinə isə minalar bağladıq.Elə ki alman tankları böyük bir çöllükdə görünməyə başladı,yüzlərlə iti buraxdıq tankların üstünə.Ac itlər qarşılarına çıxan tankların altında ət var ümidiylə dəli kimi cumdular tankların altına.Zavallı itlər tankın sepi altında qalan kimi o tank partlayırdı.Beləcə yarımca saat içində yüzlərlə tank sıradan çıxdı,belə əcaib hadisəylə üzləşməyən alman tankları arasında nizamsızlıq yaranınca bizim tanklar hücuma keçdi.Bu üsulla biz o savaşda qalib gəldik” deyirdi.Odur ki,belə əclaf üsulu vicdansız rus hərbçiləri öyrətmiş olacaq donqili erməniyə.