Ermənistanın Baş naziri Nikol Paşinyan oktyabrın 13-də Bişkekdə keçiriləcək MDB sammitində videobağlantı vasitəsilə iştirak edə bilər.
"AzPolitika.info" TASS-a istinadla xəbər verir ki, bu barədə Rusiya Federasiyası Prezidentinin köməkçisi Yuri Uşakov “Moskva. Kreml. Putin” verilişinə şərhində bildirib.
Rusiya Prezidentinin köməkçisi MDB-nin Bişkek sammitində Rusiya Prezidenti Vladimir Putinlə Paşinyan arasında görüşün olub-olmayacağı barədə suala cavab verərkən deyib ki, Ermənistan dövlət başçısının Bişkekdəki tədbirdə iştirakı dəqiq deyil.
“Paşinyan ora gəlib-gəlməyəcəyini bilmirəm. Bunun videokonfrans vasitəsilə olacağı ilə bağlı məlumatlar var”, — deyə Uşakov vurğulayıb.
Rüfət
AzPolitika.info
Şərhlər