İsrailin Baş naziri Binyamin Netanyahunun almaniyalı, italiyalı və britaniyalı həmkarları Olaf Şolts, Corcio Meloni və Rişi Sunak, həmçinin Ukrayna Prezidenti Volodımır Zelenski ilə telefon danışığı olub.
“Report” xəbər verir ki, bu barədə İsrail Baş nazirinin mətbuat xidməti məlumat yayıb.
“Bütün liderlər İsrailin lazım gəldikdə özünü müdafiə etmək hüququnu birmənalı dəstəklədiklərini bildiriblər”, - mətbuat xidməti diqqətə çatdırıb.
Xatırladaq ki, oktyabrın 7-də səhər Qəzza zolağından İsrailə raket hücumları başlayıb və eyni zamanda yaraqlı qruplar İsrail hərbçilərinin onlarla döyüşə girdiyi yəhudi dövlətinə daxil olub. Ordu “müharibə hazırlığı vəziyyəti” elan edib və tezliklə cavab olaraq “Dəmir qılınclar” əməliyyatına başladığını açıqlayıb.
Şərhlər
Marağlıdır Ukrayna torpaqlarını işğalçılardan təmizləməj üçün böyük ölüm-dirim müharibəsini aparır,bəs onda Fələstin torpağlarını işğal edən İzrailin yanında niyə durur,bax dünyada bu cür ədalətsizliklər bu yaşadığımız dunyanı dağıdar.