Pakistanın çətin vəziyyətə düşən milli aviaşirkəti bu həftə yanacaq ödənişlərini ödəyə bilmədiyi üçün onlarla daxili və beynəlxalq reysləri ləğv edib.
“AzPolitika.info” “The News International”-a istinadla xəbər verir ki, dövlətə məxsus Pakistan Beynəlxalq Hava Yollarının (Pakistan International Airlines - PİA) sözçüsünün müavini Athar Avan iki gün ərzində 48 beynəlxalq və daxili reysin yanacaq olmadığına görə ləğv edildiyini deyib:”Yanacaq tədarükünün kəsilməsinin səbəbi rüsumların ödənilməməsidir, çünki PİA maliyyə böhranı ilə üzləşir və Pakistan Dövlət Neft Şirkətinə rüsumları vaxtında ödəyə bilmir”.
ABŞ-ın “Bloomberg” nəşri əvvəllər PIA-nın öhdəliklərinin 743 milyard rupi (təxminən 2,5 milyard dollar), yəni ümumi aktivlərinin beş qatından daha çox olduğunu bildirmişdi. Müvəqqəti hökumət dövlət şirkətlərinin daha geniş özəlləşdirmə planının bir hissəsi olaraq aviaşirkətə satacağını açıqlamışdı.
Pakistan Beynəlxalq Hava Yolları Pakistan Dövlət Neft Şirkətinin gündəlik yanacaq ödənişini 150 milyon rupiyə qaldırdıqdan sonra uçuş cədvəlində əhəmiyyətli bir yaxşılaşma gözləyir. Tədricən normal vəziyyətə qayıtmasına baxmayaraq, mətbuat katibi əməliyyatların tamamilə sabitləşməsi üçün bir neçə gün daha lazım ola biləcəyini qeyd edib.
“AzPolitika.info”
Şərhlər