Fransa Daxili İşlər Nazirliyi Kərim Benzemanı Həbib Nurməhəmmədovun paylaşımlarını dəstəklədiyi üçün tənqid edib.
"Bakupost.az" xəbər verir ki, bu barədə Mash Teleqram kanalı məlumat verib.
Qeyd edilib ki, ötən gün Fransada “Qızıl top”un sahibi və dünyanın ən məşhur futbolçularından biri olan Kərim Benzema ilə bağlı qalmaqal yaranıb. Buna səbəb Fransa milli komandasının hücumçusunun sosial şəbəkələrdə İsrail hərbçilərinin bombardman etdiyi Qəzza sakinlərini dəstəkləməsi olub.
Qeyd edək ki,Benzemanın mövqeyini açıq şəkildə bəyan etməsi Fransanın daxili işlər naziri Gerald Darmaneni "özündən çıxarıb". Müsəlmanlara qarçı nifrətini gizlədə bilməyən Gerald Darmaneni Kərimin xeyli müddətdir ki, qatı islamçılığa meylləndiyini iddia edib. O, fikirlərini "Benzema matçdan əvvəl Fransanın himnini oxumadı, həmçinin, Həbibin yazdıqlarını dəstəklədi" deyə əsaslandırıb.
Qeyd edək ki, burada söhbət rusiyalı güləşçinin Fransa mətbuatında müsəlmanlar və Peyğəmbərimizlə bağlı dərc olunanları tənqid etdiyi paylaşımlardan gedir.
Belə görünür ki, Qəzzada günahsız insanların qətliamından məmnun olan Fransanın daxili işlər naziri Benzema kimi vicdanlı insanların mövqe ortaya qoymasından narahat olub.
"AzPolitika.info"
Şərhlər