Yaxın Şərqdən Üçüncü Dünya müharibəsi başlaya bilər.
APA BelTA-ya istinadən xəbər verir ki, bu barədə Belarus Prezidenti Aleksandr Lukaşenko jurnalistlərin suallarını cavablandırarkən deyib.
Belarus lideri vurğulayıb ki, hazırda davam edən HAMAS-İsrail münaqişəsinin miqyasının genişlənməsinin qarşısı alınmazsa, Yaxın Şərqdən Üçüncü Dünya müharibəsi başlaya bilər.
Lukaşenkonun sözlərinə görə, İsrail və ABŞ qüvvələri İranla döyüşə başlasalar mütləq cavab alacaqlar: “Hazırda vəziyyəti gərginləşdirən İran deyil, onlar (İsrail və ABŞ – red.) iranlıları müharibəyə dartmağa çalışırlar”.
Belarus Prezidentinin fikrincə HAMAS döyüşçülərinin İsrail ərazilərinə hücumunda İranın iştirakına dair faktlar yoxdur.
Lukaşenko Yaxın Şərqdəki vəziyyəti böyük fəlakət adlandırıb və bildirib ki, HAMAS döyüşçülərinin İran istehsalı olan silah-sursatlardan da istifadə etməsi İranın münaqişədə iştirakı demək deyil: “Dünyada silah ticarəti gedir və həmin silahlar hər hansı digər qüvvələrin vasitəsilə HAMAS-ın əlinə keçə bilər”.
Şərhlər
Hal hazırda Türkiyə və Rusiyadı Azərbaycanı iran təhkükəsinnən qoruyan iranın sərhəddimizə qoşun yığdığı vaxt rusiyanın mudaxiləsi baş verdi sonra iran qınına çəkildi demirəm rus dostumuzdu səni kimi bi savadlar bura şərh yazmasa yaxşıdı şərhimi sayta buraxmıyana
İranı Azərbaycan və Türkiyə ilə müharibəyə cəlb etmək üeçün Rusiya gecə-gündüz işləyir.