Ermənistanda hakim “Vətəndaş sazişi” partiyasından olan deputat Hayk Sarkisyanın rezonans doğuran qanun layihəsi hakim partiyanın özündə də narazılıq yaradıb.
“AzPolitika.info” xəbər verir ki, bu barədə “Hraparak” qəzeti mövzunu inkişaf etdirərək yazır: “Söhbət 15 milyon dram ödəməyi və özümüzü məcburi hərbi xidmətdən tamamilə azad etməyi təklif edən layihədən gedir. Layihə indiki formada görüşlərin gündəliyinə salınsa, o zaman Hayk Sarkisyanı ilk növbədə həmkarları tənqid edəcək. Hakim partiya hesab edir ki, hər kəs xidmət etməmək üçün fürsətdən istifadə edəcək. Əvvəlcə vətənlərini tərk edəcəklər, sonra qayıdıb hərbi bilet alacaqlar, ordu da yox olacaq, erməni xalqı da. «Vətəndaş sazişi» partiyasının deputatları layihəni fraksiya iclasında müzakirə etmək niyyətindədirlər və ola bilsin ki, o, yalnız köklü dəyişikliklərdən sonra iclasın gündəliyinə salınsın”, - nəşr qeyd edir. Rüfət
AzPolitika.info
Şərhlər