Tanınmamış Şimali Kipr Türk Respublikasının (ŞKTC) səlahiyyətliləri İnterpol tərəfindən axtarışda olan, kriminal mühitdə Vitya Pan ləqəbli Viktor Panyuşinin Rusiyaya ekstradisiyasına qərar verib.
“AzPolitika.info” xəbər verir ki, bu barədə "Habertürk" qəzeti məlumat yayıb. Məhkəmə orqanları Panyuşinin Rusiya Federasiyasının hüquq-mühafizə orqanları tərəfindən öz ərazisində doqquz maddə ilə törədilmiş cinayətlərə görə axtarışda olduğunu nəzərə alıb. Bunlara adam öldürmə, cinayət təşkilatı yaratmaq, qanunsuz qumar oyunlarının təşkili, mütəşəkkil bir qrup şəxs tərəfindən adam oğurluğu daxildir.
KKTC Nazirlər Şurası cinayətkarın qanunsuz olaraq Şimali Kipr ərazisində olmasının tanınması və Şimali Kiprdə onunla bağlı hüquqi prosedurlar başa çatdıqdan sonra onun Türkiyəyə aparılması, oradan isə Rusiya ərazisinə köçürülməsi barədə qərar qəbul edib.
Əvvəllər Panyuşin Rusiya Federasiyasından Ukraynaya qaçıb, orada fərqli soyad və doğum tarixi ilə Ukrayna pasportu əldə edib. O, 2023-cü ilin əvvəlində KKTC-yə gəlib və Rusiya pasportu ilə 2021-ci ildə olduğu oteldə qalıb. İyun ayında respublika polisi onu saxta sənədlər təqdim etdiyinə görə saxlayıb və İnterpol onun ekstradisiyasını tələb edib.
Rüfət
AzPolitika.info
Şərhlər