Avropa İttifaqına daxil olan ölkələrin XİN başçıları Ukrayna və Qəzza məsələsini müzakirə etmək üçün Brüsseldə toplanacaqlar.
«AzPolitika.info» bu barədə «Reuters» agentliyinə istinadla xəbər verir.
«Reuters» tərəfindən görülən müzakirə sənədində deyilir ki, Aİ HƏMAS-ın maliyyə və dezinformasiyasını hədəf alaraq daha da irəli gedə bilər. Fransa və Almaniya da daxil olmaqla Aİ ölkələri artıq bu cür təklifləri təşviq etmək üçün çalışdıqlarını bildiriblər. HƏMAS artıq Avropa İttifaqı tərəfindən terrorçu təşkilatlar siyahısına salınıb, yəni, onun Aİ-dəki bütün vəsaitləri və aktivləri dondurulmalıdır.
Aİ-nin yüksək səviyyəli rəsmiləri də işğal altındakı İordan çayının qərb sahilində israilli mühacirlər tərəfindən fələstinlilərə qarşı artan zorakılıqdan narahat olduqlarını bildiriblər. Sənəddə göstərilir ki, Aİ-nin cavabı cavabdeh olan şəxslər üçün Aİ-yə səyahət qadağaları və insan hüquqlarının pozulmasına görə digər sanksiyaları əhatə edə bilər.
Fransa keçən ay bildirmişdi ki, Aİ bu cür tədbirləri nəzərdən keçirməlidir. Və Belçikanın Baş naziri Alexander De Croo keçən həftə "İordan çayının qərb sahilindəki ekstremist məskunlaşmaların" təşkilatçılarının ölkəyə girişinin qadağan ediləcəyini söyləyib.
Diplomatlar bildiriblər ki, Avstriya, Çexiya və Macarıstan kimi ölkələr İsrailin sadiq müttəfiqləri olduğu üçün Aİ səviyyəsində qadağaya lazım olan yekdilliyə nail olmaq çətin olacaq.
Lakin bəziləri iddia edir ki, Aİ də ABŞ kimi keçən həftə İordan çayının qərb sahilində iğtişaşlarda iştirak edən insanlara viza qadağası tətbiq edə bilər.
Rüfət
AzPolitika.info
Şərhlər