Məzahir Pənahovun sədrliyi ilə Mərkəzi Seçki Komissiyasının (MSK) növbəti iclası keçirilib. İclasda Komissiyaya daxil olmuş müraciətə baxılıb.
Bu barədə “Report”a Mərkəzi Seçki Komissiyası Katibliyinin Media və kommunikasiya şöbəsindən bildirilib.
Beynəlxalq müşahidə missiyası təmsilçilərinin, habelə media nümayəndələrinin iştirak etdiyi iclasda öncə həyata keçirilən araşdırılma prosesi barədə ətraflı məlumat verilib. Bildirilib ki, daxil olmuş müraciətlə əlaqədar, vətəndaşların seçki hüquqlarının daha səmərəli təmin olunması üçün Mərkəzi Seçki Komissiyası nəzdində ekspert qrupunun üzvü tərəfindən hərtərəfli və obyektiv araşdırma aparılıb, müvafiq rəy verilib və seçki qanunvericiliyində nəzərdə tutulmuş müddətdə və qaydada, operativ şəkildə iclasa çıxarılaraq Komissiya üzvlərinin müzakirəsinə təqdim olunub.
Mərkəzi Seçki Komissiyasının iclasında aparılan geniş müzakirələrdən sonra müraciətin aidiyyəti üzrə araşdırılması üçün Azərbaycan Respublikasının Baş Prokurorluğuna göndərilməsinə qərar verilib.
Şərhlər
Mərkəzi Seçki Komissiyasının tərkibi heç olmasa 30 faiz həqiqi müxalifətdən olmalıdır.Əjs halda seçkinin legitimliyi xalq arasında şübhəıi sayıla bilər.Bu mütləq nəzərə aılnmalıdır ki,nəticələrə inanan olsun.Yoxsa əvvəlki seçkilər kimi topa bülleten məsələsinin təkrarlanması baş verəcək.Məzahir bəyin belə təcrübələri dəfəəlrlə olub.Bir də ən önəmlisi seçkinin legitimliyi yalnız seçicilərin ən azı 75 faizinin iştirak etdiyi halda qəbul edlməlidir.