Xəbər verdiyimiz kimi, Ramzan Kadırovun qızı, 23 yaşlı Xədicət (Karina) Çeçenistan başçısı və hökuməti administrasiyası rəhbərinin birinci müavini təyin edilib.
“AzPolitika.info” xəbər verir ki,Çeçenistan rəhbəri bununla bağlı qeyd edib ki, bu təklifi administrasiyasının rəhbəri Qalas Taimasxanov verib.
Kadırovun sözlərinə görə, o, təqdim olunan təklifi bəyənib.
“Xədicət sosial blokla qarşılıqlı əlaqəyə cavabdeh olacaq”, - deyə o yazıb. O, əvvəllər Qroznıda məktəbəqədər təhsil şöbəsinin müdiri vəzifəsində çalışıb.
Oktyabr ayında Kadırov Xədicətə “Əməkdar Sosial İşçi” fəxri adı verib. Həmin ay onun əri, Çeçenistanın keçmiş daxili işlər nazirinin oğlu Adam Alxanov Çeçenistanın Səhiyyə Nazirliyinə rəhbərlik edirdi. 2021-ci ildə Xədicət Kadırova "Çeçenistan Respublikası qarşısında xidmətlərinə görə" medalı ilə təltif edilib, 2022-ci ildə isə regionun ən yüksək dövlət mükafatı – “Axmat Kadırov” adına ordeni alıb.
Onun adı ABŞ, Avropa İttifaqı və Yaponiyanın sanksiya siyahısına daxil edilib.
Xədicət Kadırova Çeçenistan rəhbərinin ikinci böyük qızıdır. Yanvarın 17-də onun 24 yaşı tamam olub.
Ramzan Kadırovun rəsmi olaraq 14 övladı var. Onların bəziləri respublikada yüksək vəzifələrə təyin olunub və dövlət mükafatları alırlar.
Çeçenistan rəhbərinin böyük qızı Ayşat Kadırova 2023-cü ilin oktyabrında Çeçenistan Baş nazirinin sosial məsələlər üzrə müavini vəzifəsini icra edib.
Ramzan Kadırovun böyük oğlu Axmat noyabrda Respublika Bədən Tərbiyəsi, İdman və Gənclər Siyasəti nazirinin birinci müavini olub.
Ramzan Kadırovun bir çox yaxın qohumu da müxtəlif vəzifələrdə işləyir.
Rasim Əliyev
“AzPolitika.info”
Şərhlər