Rusiyanın ən bahalı helikopterlərindən biri vurulub

Rusiya Avdeyevka istiqamətində canlı qüvvə və texnika itirməkdə davam edir.

“AzPolitika.info” xəbər verir ki, Ukrayna ordusunun generalı Aleksandr Tarnavski öz “Telegram” kanalında ukraynalı döyüşçülərin Rusiyanın “Ka-52”(“Alliqator”) hücum helikopterini vurduğunu yazıb.

Briqada komandiri əlavə edib ki, düşmənin “Alligator” helikopteri öz ekipajı ilə birlikdə Avdeyevka istiqamətində torpağa gömülüb. Qeyd edək ki, “Ka-52” Rusiya ordusunda ən bahalı helikopterlərdən sayılır. Onun qiyməti təxminən 5 milyon dollardır. Müharibə başlayanda Rusiyanın cəmi 90 ədəd “Ka-52”-si olub.

“AzPolitika.info”