İşğaldan öncə yaşadıqları yerlərə qayıdan məcburi köçkünlərin onlar üçün dövlət tərəfindən verilən güzəşt və imtiyazları itirib-itirmədiyi açıqlanıb.
Qaçqınların və Məcburi Köçkünlərin İşləri üzrə Dövlət Komitəsindən APA-nın sorğusuna cavab olaraq bildirilib ki, məcburi köçkünlərin və onlara bərabər tutulan şəxslərin sosial müdafiəsi haqqında Azərbaycan Respublikasının qanununda nəzərdə tutulmuş sosial müdafiə tədbirləri məcburi köçkünlərin əvvəlki yaşayış yerlərinə qayıtması üçün şəraitin yarandığı vaxtdan üç il müddətində, məcburi köçkünlərə bərabər tutulan şəxslərin isə əvvəlki yaşayış yerlərinə qayıtması üçün şəraitin yarandığı və ya daimi məskunlaşdıqları vaxtadək qüvvədədir.
Eyni zamanda Komitə onlara “çörək pulu”nun verilməsi nə vaxtadək davam edəcəyi məsələsinə də münasibət bildirib:
“Sosial müdafiə tədbirlərindən biri kimi vahid aylıq müavinətin də verilməsi Nazirlər Kabinetinin müvafiq qərarı ilə təsdiq edilmiş Qaydaya əsasən tənzimlənir. Buna görə, əvvəlki daimi yaşayış yerlərinə qayıtması üçün şəraitin yarandığı vaxtdan üç il keçəndən sonra əvvəlki yaşayış yerinə geri qayıtmış və ya qayıtmamış şəxslərə vahid aylıq müavinətin verilməsi şamil edilmir”.
Şərhlər
Çörəyə pulları çatmır ki?Aaaa! Dünyadakı qaçqın və köçkünlərdən fərqli olaraq bizim qaçqın və köçkünlər, maşallah, sultanlar kimi yaşayırlar ki. Özü də qırx bir dəfə maşşşallah.Yağlı vəzifələri, villaları, şirkətləri, inomarka maşınları,bağ-bağatları,müftə-müsəlləm paylanan evləri-eşikləri,.şadlıq sarayları,supermarketləri, sosial yardımları,hələ az imiş kimi çörək pulu.Bəhbəəəh!Elə ona görə köçənlərin sayı azdı da.Belə cah-cəlalı qoyub kim gedər o uzaqlara?