Rusiyanın Lipetsk vilayətinin səması üzərində pilotsuz uçuş aparatı zərərsizləşdirilib.
APA-nın Rusiya mətbuatına istinadən məlumatına görə, bu barədə vilayətin qubernatoru İqor Artamonov özünün “Teleqram” kanalında yazıb.
O qeyd edib ki, insident Stanovlyansk rayonu ərazisində baş verib. Bundan bir qədər əvvəl hava həyəcanı elan olunub.
Xatırladaq ki, səhər saatlarında Ukrayna ərazisindən Tatarıstana dron hücumu olub. Nəticədə 7 nəfər yaralanıb.
Şərhlər