Dünyada baş verən geosiyasi proseslər dünya iqtisadiyyatına dağıdıcı təsirlər göstərir.
“AzPolitika” xarici KİV-ə istinadla xəbər verir ki, Beynəlxalq Valyuta Fondu (BVF) bununla bağlı hesabat paylaşıb.
BVF bildirib ki, qlobal iqtisadiyyat geosiyasi proseslərin təsiri altında üç bloka bölünüb.
Fondun hesabatında deyilir: “Biz üç bloka bölünmüş bir dünyaya baxırıq: biri ABŞ-yə, biri Çinə əsaslanan, üçüncüsü isə bir-biri ilə bağlılığı olmayan ölkələr bloku”.
BVF-nin hesablamalarına görə, dünya iqtisadiyyatının ayrı-ayrı qruplara bölünməsi tendensiyası mallar, xidmətlər və investisiyalar üzrə mövcud ticarət məhdudiyyətlərinin sayının artmasına səbəb olub ki, onların da ümumi sayı 2023-cü ildə 3 mini keçib.
Bundan əlavə, BVF-nin qeyd etdiyi kimi, 2017-ci ildən 2023-cü ilə qədər Pekin və Vaşinqton arasında artan siyasi ziddiyyətlər fonunda Çinin ABŞ-yə idxaldakı payı 8% azalıb.
Həmçinin, fondun bildirdiyinə görə, Ukrayna münaqişəsi fonunda Rusiya ilə Qərb arasında birbaşa ticarət “çöküb”.
“AzPolitika.info”
Şərhlər