Venesuelalılar ölkə üçün mübarizə aparmağa və özləri üçün parlaq gələcəyi təmin etməyə hazırdırlar.
"Report" xəbər verir ki, bunu Venesuelanın vitse-prezidenti Delsi Rodriqes ölkədə keçiriləcək seçkilərə həsr olunmuş onlayn mətbuat konfransında deyib.
“Bizə müstəqilliyi heç kim vermədi, onun uğrunda mübarizə apardıq, vuruşduq. Biz o dövrün müstəmləkəçi dövlətləri qarşısında müstəqilliyimizin təməl daşını qoyacaq qədər irəli getdik. Lakin 200 ildən çox vaxt keçdikdən sonra Venesuela yenidən eyni geosiyasi münaqişənin içindədir”, - o vurğulayıb.
Qeyd edək ki, Venesuelada prezident seçkiləri iyulun 28-də keçiriləcək.
Nikolas Maduro üçüncü dəfədir ki, ölkə prezidentliyinə namizəddir. Venesuela Konstitusiyası Prezidentin və digər seçilmiş vəzifələrə təkrar seçilmə sayına məhdudiyyət qoymur.
Şərhlər