Mayın 31-də Samara vilayətinin qubernatoru Dmitri Azarov istefa verdiyini açıqlayıb.
“AzPolitika” Rusiya mətbuatına istinadla xəbər verir ki, bu, son iki gündə vəzifəsini tərk edən ikinci qubernatordur. Bir gün əvvəl Xantı-Mansiysk Muxtar Dairəsinin rəhbəri Natalya Komarova istefa verdiyini açıqlamışdı.
Videomüraciətində Azarov iki dəfə “ümummilli lider Vladimir Vladimiroviç Putinə” göstərdiyi etimada görə təşəkkür edib və bildirib ki, 7 il əvvəl qubernator vəzifəsinə gələrkən qarşıya qoyduğu əsas məqsədlərə nail olunub. O, nə istefasının səbəbləri, nə də indi hansı vəzifədə çalışacağı barədə məlumat verməyib.
Azarov və onun ətrafı Dövlət Dumasının Vahid Rusiyadan olan nüfuzlu deputatı Aleksandr Xinşteyn tərəfindən daim tənqid edilib. Digər şeylərlə yanaşı, o, bir sıra yerli məmurların LGBT adamları olduğuna eyham vurub. Xinşteyn Samara vilayətinin gənclər siyasəti naziri Sergey Burtsevin şəxsi fotolarını dərc etdikdən sonra o, istefa verib.
“AzPolitika.info”
Şərhlər