Qax şəhərində yerləşən “İnvitro” klinikasında keçirilən yoxlama zamanı yanğın təhlükəsizliyi sahəsində çoxsaylı nöqsanlar aşkarlanıb.
Bu barədə Fövqəladə Hallar Nazirliyi məlumat yayıb.
Bildirilib ki, nöqsanların insan həyatı və ya sağlamlığına, ətraf mühitə və dövlətin əmlak maraqlarına birbaşa təhlükə yaratdığı müəyyənləşib. Belə ki, obyekt avtomatik yanğınsöndürmə və yanğın siqnalizasiya qurğuları ilə təmin edilməyib, həmçini elektrik təsərrüfatı “Elektrik qurğularının quraşdırılması Qaydası”nın tələblərinə uyğun quraşdırılmayıb.
Bundan başqa, təxliyə planı düzgün tərtib edilməyib və ehtiyat çıxış yolları bağlanılıb, obyekt ilkin yanğınsöndürmə vasitələri ilə təmin edilməyib. Bütün bunlar nəzərə alınaraq yanğın təhlükəsizliyi norma və qaydalarının tələblərinin kobud pozulması faktları aşkar edilmiş “İnvitro” klinikasının fəaliyyətinin dayandırılması barədə qərar qəbul olunub.
Şərhlər
Özəl klinikalar savadsız,sahəyə uyğun gəlməyən,sahibinə yaxın və qohum olan personallarla doldurulub.insanlardan gəvvəlcə görəcəkləri işə uyğun olmayan məbləği alır,nəticəsiz (hətta daha ağır nəticələrə səbəb olan) ,məsuliyyətsiz yarımçıq xidmət edirlər.onun üçün dövlət klinikalarını təmin etmək,yararlı mütəxəssislərlə təmin etmək yeganə çıxış yoludur.Özəl klinkalar tam klinik fəaliyyət gödtərmir,məsuliyyət üzərinə götürmür və yaınız xəstələrin əlacsızlığından isui istifadə edirlər.Özəl xəstaxanaların işinə dövət nəzarəti gücləndirilməıi və yarımçıq klinikalar bağlanmalıdır.soögunçuluğa son qoyulmalıdr.