İlin əvvəlindən 30 mindən çox xarici vətəndaş Rusiyadan çıxarılıb. Bu, bir il əvvəlkindən təxminən iki dəfə çoxdur. Yüz min əcnəbinin Rusiyaya girişi qadağan edilib. Bu rəqəm də bir il əvvəlkindən 55% çoxdur.

“AzPolitika” xəbər verir ki, bunu Daxili İşlər Nazirliyinin rəsmi nümayəndəsi İrina Volk bildirib.

Onun sözlərinə görə, ötən il ərzində təxminən 110 min əcnəbi Rusiyadan çıxarılıb. Daxili İşlər Nazirliyinin nümayəndəsi qeyd edib ki, 2023-cü ildə xarici vətəndaşlara qarşı iki milyondan çox, bu ilin birinci rübündə isə artıq 700 minə yaxın protokol tərtib edilib.

Eyni zamanda, o vurğulayıb ki, son bir ildə əcnəbilər tərəfindən törədilən xüsusilə ağır cinayətlərin sayı 21 faizdən çox azalıb.

Bir gün əvvəl Dövlət Duması miqrasiya sahəsində nəzarəti gücləndirən və polisin səlahiyyətlərini genişləndirən qanun layihələri paketini birinci oxunuşda qəbul edib. Sənədə əsasən, polisə xarici vətəndaşları Rusiyadan çıxarmağa icazə veriləcək. Hazırda əcnəbi ölkəyə daxil olarkən hüquqpozma törədibsə, inzibati qaydada çıxarılma barədə qərarı yalnız məhkəmə və ya sərhəd xidməti qəbul edə bilər.

Qanun layihəsində barələrində xaric edilməsi haqqında qərar qəbul edilmiş və ya Rusiyada yaşamaq icazəsi ləğv edilmiş, lakin hələ də ölkədə olan əcnəbilər üçün ölkədən çıxarılma rejiminin tətbiqi təklif edilir.

Onlar avtomobil sürə, kredit götürə, bütün Rusiyada sərbəst hərəkət edə, ailə qura, bank hesabı aça bilməyəcəklər. Bundan əlavə, onlar xüsusi reyestrə salınacaq və onların harada olduqları barədə mütəmadi olaraq polisə məlumat vermələri tələb olunur.

Rasim Əliyev

“AzPolitika.info”