Avropa İttifaqı ölkələrinin liderləri bəyan ediblər ki, Gürcüstanın Aİ-yə qəbulu prosesi ölkədə qəbul edilən “xarici agentlər” haqqında qanuna görə faktiki olaraq dayandırılıb.
“AzPolitika” xarici KİV-ə istinadla xəbər verir ki, Avropa Komissiyasının rəyinə görə, bu qanunun qəbulu Gürcüstana Aİ-yə namizəd statusunun verilməsi ilə bağlı tövsiyələrindən kənara çıxmaqdır. Bu barədə Brüsseldə keçirilən sammitin yekun bəyanatında deyilir.
Sənəddə Gürcüstan hakimiyyəti “Gürcüstanın Aİ-yə gedən yolunu təhlükə altına alan və de-fakto üzvlük prosesinin dayanmasına səbəb olan hazırkı fəaliyyət kursunu dəyişməyə” çağırılır.
Xatırladaq ki, Gürcüstan 2023-cü ilin dekabrında Avropa İttifaqına üzv olmaq üçün namizəd ölkə statusunu alıb. Bu həftənin əvvəlində Aİ-nin Xarici Əlaqələr və Təhlükəsizlik Siyasəti üzrə Ali Nümayəndəsi Josep Borrell, Aİ-nin Gürcüstanın namizəd statusunu ləğv etməyi nəzərdən keçirə biləcəyini söyləmişdi.
“AzPolitika.info”
Şərhlər