Politoloq Şahin Cəfərlinin ölkədən çıxışına qadağa qoyulub.
Bu barədə Turan-a analitik özü bildirib.
Qadağa Cəfərlinin “Toplum” TV İnternet kanalı ilə əməkdaşlığı ilə əlaqədar tətbiq edilib. Belə ki, 2023-cü ilin noyabrında bu kanala qarşı cinayət işi açılıb.
Bundan əvvəl Cəfərli Bakı Şəhər Baş Polis İdarəsində bu iş üzrə şahid qismində dindirilib.
Şahin Cəfərli “Toplum” TV-də proqram aparıcısı olub.
Martın 6-8-də “Toplum” TV və onun tərəfdaş təşkilatı Demokratik Təşəbbüslər İnstitutunun 9 əməkdaşı saxlanılıb. Onlar xarici valyuta qaçaqmalçılığında ittiham olunublar. Yeddi nəfər həbs edilib, iki nəfər polis nəzarətinə verilib.
Şərhlər