Bu gündən Azərbaycanda genişzolaqlı internet tarifləri üzrə sürət və ödəniş məbləğinə dəyişiklik edilib.
“APA-Economics” xəbər verir ki, GPON (Gigabit Passive Optical Network – Gigabit tutumlu Passiv Optik Şəbəkə) tarifləri üzrə təqdim olunan sürətlər 2.5 dəfə (40 Mbit/s internet sürətini 100 Mbit/s-yə, 60 Mbit/s internet sürətini 150 Mbit/s-yə və 100 Mbit/s sürətini isə 250 Mbit/s-yə qədər) artırılıb.
Yeni sürət tariflərində abunəçilər üçün minimal sürət 100 Mbit/s-dən başlayır və hər Mbit/s üçün ödəniş məbləği 0.45 AZN-dən 0.25 AZN-ə endirilib.
Belə ki, abunəçilərə 100 Mbit/s internet üçün 25 AZN, 150 Mbit/s internet üçün 30 AZN, 250 Mbit/s internet üçün 36 AZN qiymət təklif edilir.
Şərhlər
Kasıb, çörək puluna möhtac olan əhalini qiymət artımı, işsizliklə bu qədər yükləməklə nə etmək istəyirsiniz. Din iman yoxdur sizdə. Heç olmasa bir az insaniyyətliyi unutmayın. Xalqı dalana dirəməyin.
13.08.2024-ci il tarixində 21 azn ,internet və telefon üçün 202821033 nomrəsinə ödəniş etmişəm. 15.08.2024-ci il tarixində xəttimi bağlayıblar. 6 manat əlavə ödəniş etdikdən sonra internet bərpa edilib.
Ancaq 100 mbit/c sürət yoxdur. Belə çıxır ki yenə abunəçiləri həmişəki kimi Aztelekom aldatdı. Pulu aldılar və artırılmalı olan sürəti vermədilər.