Yunan bayraqlı “Sounion” gəmisi 23 avqustdan bəri Yəmən husilərinin hücumundan sonra heç bir neft sızıntısı əlamətləri olmadan yanır.
Bu barədə Avropa İttifaqının (Aİ) Qırmızı dəniz missiyası Aspides X sosial platformada paylaşım edib. Bildirilir ki, gəminin əsas göyərtəsindən alov və tüstü çıxdığını göstərən fotoşəkillər yayımladı.
Yəmənin ən sıx məskunlaşdığı bölgələrinə nəzarət edən husilər cümə axşamı Qırmızı dənizdə “Sounion” neft tankerinə hücum etdiklərini bildirib.
Qeyd edək ki, İranın dəstəklədiyi husilər İsrailin Qəzzada törətdiyi qətliamlarla bağlı fələstinlilərlə həmrəylik üçün gəmilərə hücum etdiklərini bəyan edirlər.
Aspides bildirib ki, gəminin əsas göyərtəsinin ən azı beş yerində yanğınlar müşahidə edilib. Bundan əlavə, üst tikilinin bir hissəsi də yanır.
Avropa Kosmik Agentliyinin “Copernicus Satellite 2” peyki tərəfindən çəkilmiş təsvirdə “Sounion”-un sonuncu dəfə aşkar edildiyi ərazidə tüstü görünür.
Aspides bildirib ki, 150 min ton xam neft daşıyan neft tankeri ekoloji təhlükə yaradır.
"AzPolitika.info"
Şərhlər