Fransada saxlanılan “Telegram№ mesencerinin qurucusu Pavel Durov Parisdə dindirilərkən Fransa xüsusi xidmət orqanları ilə əlaqələrindən danışıb.
“AzPolitika” xəbər verir ki, bu barədə “Liberation” nəşri özəl mənbələrə istinadən xəbər verir. Onların sözlərinə görə, Fransa vətəndaşlığı olan iş adamı əks-kəşfiyyat nümayəndələri - Fransa Daxili Təhlükəsizlik Baş İdarəsi (DGSI) ilə əlaqə saxlayıb.
Nəşr qeyd edib, Durov Dubayda əks-kəşfiyyat nümayəndələri ilə görüşüb. Bu görüşün nə vaxt keçirildiyi açıqlanmır. Eyni zamanda, qeyd olunur ki, Durov guya söhbətdə hərbi sirr təşkil edən məlumatı açıqlamağın yersiz olacağını açıqlayıb.
Liberasiyanın həmsöhbətləri onu da bildiriblər ki, “Telegram”-ın təsisçisi DGSİ ilə qaynar xətt və xüsusi e-poçt ünvanı ilə rəsmi əlaqə kanalı açıb. Mənbə iddia edir ki, bu kanallar vasitəsilə məlumat mübadiləsi bir neçə terror aktının qarşısını almağa imkan verib.
Qəzetin yazdığına görə, həbsdən sonra Durov əməkdaşlığa hazır olduğunu bildirib və Fransa hüquq-mühafizə orqanlarının nümayəndələrinə mobil telefonunu və ona giriş kodunu verib.
Pavel Durov avqustun 24-də Parisin Le Burje hava limanında saxlanılıb. Dörd gün sonra o, beş milyon avroluq girov qoymaqla məhkəmə nəzarəti altında sərbəst buraxılıb. Bundan əlavə, Durovdan həftədə iki dəfə polis bölməsinə gəlmək tələb olunur və ona Fransanı tərk etmək qadağandır.
“AzPolitika.info”
Şərhlər