Son günlər Bakı şəhərinin əksər küçə və prospektlərində, xüsusilə paytaxtın şimal girişi və Bakı-Sumqayıt magistralına çıxan yollarda güclü tıxaclar müşahidə edilir.
“AzPolitika” xəbər verir ki, həftəsonu keçiriləcək Formula 1 yarışları ilə əlaqədar paytaxtın mərkəzi yollarının bağlanması və ya darlaşdırılması, şəhərin cənub girişi olan Lökbatan dairəsindən mərkəzə doğru hərəkətin qadağan edilməsi və paralel olaraq bir sıra küçə və prospektlərin təmir edilməsi şəhərdə nəqliyyat gərginliyinin kəskin artmasına gətirib çıxarıb.
Sürücülər və sərnişinlər bəzi hallarda Masazır dairəsindən 20 Yanvar metrostansiyasına 10 dəqiqəyə gəldikləri yolu son 3 gündür, 1-2 saata gəldiklərini bildirirlər. Eyni vəziyyət digər istiqamətlərdə - Ziya Bünyadov prospekti, Babək prospekti, Bakı-Sumqayıt yolu, Bakı-Şamaxı yolu, Binəqədi şosesi və digər ərazilərdə də davam edir.
Bakı Şəhər Dövlət Yol Polisi İdarəsindən bildirilib ki, Formula 1 yarışları ilə bağlı məhdudiyyət tətbiq edilən yolların bəziləri sentyabrın 11-13-ü aralığında müəyyən edilmiş pik saatlarda, bəzi məhdudiyyətlərlə açıq olacaq. Bu da müəyyən qədər nəqliyyat sıxlığının azalmasına gətirib çıxara bilər.
Mövzu ilə bağlı ARB kanalının çəkdiyi sujeti təqdim edirik:
Şərhlər
Hökumət niyə bu formula oyunundan əl çəkmir ? Pul yeməyə yer azdır?Axı insanların həyatı ilə oynamaq heç bir qanunla təsbit olunmur.Onda bəs bu oyunbazlıq nədir?Azərbaycana Formula-1 heç bir halda lazım deyil.iİinci də formula-1 keçirmək istəyən bir kiçikharınlamış qrup zəhmət çəkib əvvəlcə bunun üçün insanları narahat etməyən yollar tiksin.Bu oyunbazlığa hökumət niyə gedir?kimin xatirinə insanlara əziyyət, zülm verilir?