Gürcüstan Prezidenti Salome Zurabişvili fırıldaqçı və ölkə Konstitusiyasının pozucusudur.
“AzPolitika” xarici KİV-ə istinadla xəbər verir ki, bunu Gürcüstandakı hakim “Gürcü Arzusu – Demokratik Gürcüstan” partiyasının Baş katibi, Tbilisi meri Kaxa Kaladze deyib.
Kaladze bildirib ki, ölkə prezidenti Salome Zurabişvili “Gürcüstanın imicinə xələl gətirmək üçün hər şeyi edir”: “Salome Zurabişvili hansısa yolla ölkənin imicinə xələl gətirmək üçün hər şeyi edir. Konstitusiyanı ilk pozan şəxsin (Almaniyaya) səfərini necə qiymətləndirə bilərsiniz? Bu, əksinə olmalıdır, Konstitusiyanı birinci o müdafiə etməlidir”.
Kaladze Zurabişvilinin Almaniyaya səfərini pisləyib, çünki konstitusiyaya görə, Zurabişvili yalnız hökumətin razılığı ilə xarici səfərlər edə və rəsmi görüşlər keçirə bilər. O isə heç kimdən icazə almayıb.
“AzPolitika.info”
Şərhlər