İstanbul Cumhuriyət Başsavcılığı tərəfindən verilən son açıqlamada  İstanbul Büyükşehir Belediyesinin (İBB) başkanı  Əkrəm İmamoğlu və 6 nəfərlə bağlı "PKK'ya yardım" ittihamı da irəli sürüldüyü və saxlanılması qərarı verildiyi bəyan edildi. Açıqlamada bildirilir ki, İmamoğlu İBB və ona bağllı qurumlarda PKK terror təçkilatının üzvlərini və onunla əlaqsi olan şəxsləri işə alıb.

"AzPolitika" Türkiyə mediasına istinadən xəbər verir ki, İstanbul Cumhuriyət Başsavcılığı, İBB başkanı Əkrəm İmamoğlu, İBB Ümumi Sekreter yardımcısı Mahir Polat, Şişli Bələdiyyəsi başkanı Resul Ekrem Şahan və İslahat İnstitutunun sədri Mehmet Əli Çalışkanın saxlanılmasına bağlı olaraq bildirilib: "İmamoğlunun digər şübhəlilərlə birlikdə yerli seçkilərdə bələdiyyə məclisi üzvlərinin siyahılarını onun təsdiqi ilə müəyyən etdiyini nəzərə alsaq, terror təşkilatı rəhbərliyinin böyük şəhərləriə təsirini artırmaq üçün həyata keçirdiyi  "şəhər uzlaşması" fəaliyyətinə bilərəkdən qatılaraq PKK/KCK terror təşkilatına köməklik cinayətini törətmişlər...”

İstanbul Cumhuriyət Başsavcılığı tərəfindən verilən açıqlamada aşağıdakı ifadələr də yer alıb:  “İstanbul Cumhuriyət Başsavcılığı Terror Cinayətləri İstintaq Bürosu tərəfindən aparılan istintaq çərçivəsində  müəyyən edilib ki, 2024-cü ilin mart ayında keçirilən yerli seçkilərdə PKK/KCK terror təşkilatının böyük şəhərlərdə, xüsusilə İstanbulda fəaliyyətini artırmaq məqsədilə həyata keçirdiyi "şəhər uzlaşması" fəaliyyəti ilə bağlı terror təşkilatının idarəçilərindən Cəmil Bayık, Hüseyn Avareş və Mustafa Karasu seçkidən əvvəl media nümayəndələrinə öz fikirlərini və təlimatlarını bildiriblər. İstanbul Böyükşəhər Bələdiyyəsinin başkanı Əkrəm İmamoğlunun "şəhər uzlaşması"  əsasında terror təşkilatının təlimatlarını həyata keçirən Xalqların Demokratik Konqresi (HDK)  ilə ittifaq qurduğuna dair təsbitlərin terror təşkilatına dəstək verən mətbuat tərəfindən açıqlandığı müəyyən edilib.

Bundan başqa, CHP-nin kvotasından seçilən bələdiyyə məclisi üzvləri və təyin olunan bələdiyyə sədrinin müavinləri araşdırılarkən onların bəzilərinin 2024-cü ilin mart seçkilərinə bir neçə gün qalmış terror təşkilatı ilə əlaqəsi olduğu və CHP üzvü kimi qeydiyyatdan keçdiyi üzə çıxıb.

İstintaqda CHP kvotasından seçilən bələdiyyə məclis üzvləri, Ataşehir və Kartal bələdiyyə sədr müavinləri və 8 İBB məclis üzvü olmaqla cəmi 10 nəfərin HDK məlumatlarına daxil edildiyi və terror təşkilatının üzvü olduğu müəyyən edilib. İmamoğlu və İBB baş katibinin müavini Mahir Polatın, Şişli Bələdiyyə Başçısı Rəsul Əkrəm Şahanın, İslahatlar İnstitutunun sədri Mehmet Əli Çalışkanın, PKK/KCK terror təşkilatının ideoloji sahə strukturunda fəaliyyət göstərdiyi təsbit edilən qaçaq şübhəli A.B., A.B.-yə məxsus "SPECTRUM HOUSE"-nin əməkdaşı H.A. və Şişli Bələdiyyə sədrinin müavini Ebru Özdemirin “şəhər uzlaşması” fəaliyyətinə cəlb olunduğu da müəyyən edilib. İBB-yə bağlı olan İstanbul Planlama Agentliyi və BİMTAŞ-da terror təşkilatı üzvlərinin/rəğbətçilərinin toplandığı üzə çıxıb.

Əkrəm İmamoğlu digər şübhəlilərlə birlikdə terror təşkilatının böyük şəhərlərdə fəaliyyətini artırmaq məqsədi daşıyan “şəhər uzlaşması” fəaliyyətində bilə-bilə iştirak edərək “PKK/KCK terror təşkilatına kömək etmək” cinayətinə görə saxlanılıb".

İstanbul Cumhuriyət Başsavcılığı tərəfindən verilən ikinci açıqlamada isə bildirilib: 

"İstanbul Cumhuriyət Başsavcılığı  Mütəşəkkil Cinayətlərə Qarşı İstintaq İdarələri tərəfindən aparılan araşdırmalar çərçivəsində “CHP-də pul sayma görüntüləri” başlığı ilə ictimaiyyətə paylaşılan videogörüntülərlə bağlı vəzifəli şəkildə araşdırma başlanılıb. Başlanılan və ictimai iddia qaldırılan istintaq nəticəsində qeyri-qanuni pul yığımı hadisəsi ilə bağlı şahidlər, xüsusilə İstanbul Böyükşəhər Bələdiyyə başçısı Əkrəm İmamoğlu və bir çox başqa şəxslər dindirilib. İfadələri alınan şahidlər, başda İstanbul Böyükşəhər Bələdiyyəsinin sədri Əkrəm İmamoğlu olmaqla bir çox insanın iş adamlarını onlara pul verməyə məcbur etdiyini iddia edib. Bəzi iş adamları ilə isə birlikdə hərəkət edərək haqsız qazanc əldə etdikləri, lombardlar vasitəsilə alqı-satqı edərək cinayət yolu ilə əldə etdikləri pulları "yuduqları", pulların köçürülməsi və toplanmasında “gizli seyf” adlandırılan mülki şəxslərdən istifadə etdikləri ifadələrlə təsbit olunub. Həmçinin  İBB və onun tabeliyində olan şirkətlər tərəfindən açıq hava reklam daşıyıcıları ilə bağlı tenderlərdə yol verilən qanunsuzluqlar, xidməti satınalmaları və saxta müqavilələrlə bağlı Əmlak Müfəttişliyi tərəfindən hazırlanan hesabata əsasən araşdırma başlanılıb.

Başlanan istintaq nəticəsi olaraq, qanunsuz pul yığma hadisəsi ilə bağlı ifadələri alınan şahidlər, başda İstanbul Böyükşəhər Bələdiyyə Başçısı və mülki olaraq pul verdikləri bəzi iş adamları ilə hərəkət edərək haqsız qazanc əldə etdikləri lombardlar vasitəsilə alqı-satqı edərək cinayət yolu ilə əldə etdikləri pulları yuduqlarını bildiriblər İBB və onun törəmə şirkətləri tərəfindən həyata keçirilən xarici reklam kanalları ilə bağlı pul köçürmələri və yığılmalarında, tenderlərdə və xidmət satınalmalarında “gizli seyflər” adlandırılan şəxslər. Mülki Müfəttişlik tərəfindən sövdələşmə müqavilələrində qanun pozuntularının olması ilə bağlı hazırlanan akt nəticəsində araşdırma başlanılıb.

İstintaq prosesi nəticəsində aşağıdakılara nail olunub; Qazanc məqsədi daşıyan cinayət təşkilatının lideri Əkrəm İmamoğlu, İstanbul Böyükşəhər Bələdiyyə başçısı olduqdan sonra Beylikdüzü Bələdiyyə başçısı olduğu müddətdən bəri özü və tabeliyində olan şəxsləri Böyükşəhər Bələdiyyəsinin bölmə və tabeliyindəki qurumlara rəhbər təyin edib.

Şübhəlilərin cinayət təşkilatının davamını təmin etmək məqsədilə öz alt strukturlarını yaratdıqları, bir çox bələdiyyə törəmə müəssisələrində qeyri-qanuni tenderlər keçirmələri, birbaşa tədarük və ya xidmət satınalmaları yolu ilə tenderlərin saxtalaşdırılması, ixtisaslı saxtakarlıq, şəxsi məlumatların qanunsuz ələ keçirilməsi, mütəşəkkil şəkildə rüşvət və hədə-qorxu ilə tələb etdikləri müəyyən edilib.

Təşkilat üzvləri, Böyükşəhər Bələdiyyəsinin tabeliyində olan Meyda A.Ş. və Kültür A.Ş.-nin xidməti satınalma işlərinə yüksək qiymətli təkliflər verərək, öz adlarından qurduqları şirkətlər və Sosial Müdafiə Müəssisəsinin əhatə etdiyi işçiləri adından son qiyməti özləri müəyyən etməklə, dəyərindən qat-qat artıq işlərə sahib olublar. Aldıqları işlərin çoxu tamamlanmamış, bəziləri qondarma iş olub, saxta hesab-fakturalar verərək "yuduqları" pulları həm şəxsi varlanmaq üçün, həm də cinayət təşkilatının fəaliyyətinə sərf ediblər.

İstanbulda yaşayan vətəndaşlarımızın şəxsi məlumatları qeyri-qanuni yollarla əldə edilərək təşkilatın davamlılığı üçün istifadə edilib və MEDYA A.Ş., KÜLTÜR AŞ, KİPTAŞ və İSFALT şirkətlərindən tender qazanan təşkilat üzvləri ya təşkilat rəhbəri Əkrəm İmamoğluya məxsus tikinti sahələrinə pul köçürüblər, ya da ona aid olan şirkətlərə mal dövr ediblər.

Açıq tenderlər nəticəsində Böyükşəhər Bələdiyyəsindən iş alan iş adamlarına pul ödənilməmiş, lakin pul hədə-qorxu ilə rüşvət alındıqdan sonra ödənişlər edilmiş,hazırda da fəaliyyət göstərən bir çox iş adamlarından rüşvət istənilmiş, qəbul etməyən zərərçəkənlərdən Bələdiyyə Məclislərinin qərarı ilə pul qoparmağa cəhd edilmişdir.

Rüşvət və hədə-qorxu ilə əldə edilmiş daşınmaz əmlakların təşkilatın "qara kassasası"i kimi istifadə edən iş adamları tərəfindən ələ keçirildiyi Maliyyə Cinayətlərinin İstintaq Şurasının (MASAK) hesabatları, depozit aktları, vergi ekspertizası, şahid ifadələri və digər sübutlarla müəyyən edilib.

Bu çərçivədə 19.03.2025-ci il tarixdə saat 06:15-dən etibarən cinayət təşkilatının rəhbəri olma, cinayət təşkilatına üzv olma, rüşvət alma, şəxsi məlumatların ələ keçirilməsi, ümumilikdə ələ keçirmə (1) cinayətləri ilə bağlı İstanbul Polis İdarəsi Maliyyə Cinayətləri ilə Mübarizə İdarəsinə aralarında cinayət təşkilatının lideri olmaqda şübhəli bilinən Əkrəm İMAMOĞLU, təçkilatın üzvləri olmaqda şübhəli bilinən  Murat ONGÜN, Tuncay YILMAZ, Fatih KELEŞ, Ertan YILDIZ və bu şəxslərlə əlaqəsi olan 95 şübhəlinin eyni vaxtda tutma, saxlama, axtarış və götürmə əməliyyatlarının aparılması üçün göstərişlər verilib".


***

İstanbul meri Əkrəm İmamoğlu saxlanılıb.

"AzPolitika"  Türkiyə mediasına istinadən xəbər verir ki, İstanbul Böyükşəhər Bələdiyyəsinə (İBB) qarşı böyük korrupsiya əməliyyatı başlayıb. Əməliyyat çərçivəsində Böyükşəhər Bələdiyyəsinin başkanı Əkrəm İmamoğlu və mətbuat müşaviri Murat Ongun saxlanılıb. 

Aralarında jurnalist və iş adamlarının da olduğu 100-ə yaxın adamın saxlanması ilə nəticələnən əməliyyatın İstanbul Böyükşəhər Bələdiyyəsinə bağlı "Medya A.Ş"-də keçirilən tenderlər və  PKK ilə CHP arasında "şəhər uzlaşması" ilə bağlı olduğu qeyd edilib.

Bir çox polis İmamoğlunun Sarıyerdəki iqamətgahı ətrafında təhlükəsizlik tədbirləri görüb. İmamoğlunun iqamətgahında axtarış aparıldığı öyrənilib.

İstanbul Baş Prokurorluğu ötən həftələrdə İstanbul Böyükşəhər Bələdiyyəsinə bağlı "Medya AŞ"-in ünvanına çatdırılma üçün keçirdiyi tenderlərdə qanunsuzluqlar aşkarlandıqdan sonra hərəkətə keçib.

“Medya AŞ” şirkətinin Şişlidəki qərargahında prokurorluğun göstərişi ilə maliyyə cinayətlərinə qarşı mübarizə polisi tərəfindən axtarış aparılıb.

Tenderi alan 21 şirkətlə bağlı məlumat və sənədlər şirkətdən tələb edilib və onların kompüterləri müsadirə edilib.