“O, ƏSL LİDERDİR...” – Ər-Riyadda tarixi görüş + VİDEO (Yenilənib)

Səudiyyə Ərəbistanında Suriyanın yeni Prezidenti Əhməd Şaraa ilə görüşən Donald Tramp bu görüşdən çox razı qalıb.

“AzPolitika” xarici KİV-ə istinadla xəbər verir ki, Tramp ABŞ-də terrorçu kimi axtarışda olmuş Suriyanın yeni Prezidentini “çox ciddi keçmişi olan cavan, cazibədar oğlan” adlandırıb. 

O qeyd edib ki, onların Səudiyyə Ərəbistanındakı görüşü “gözəl” keçib: "Onun potensialı var - o, əsl liderdir. Onun həqiqətən hər şeyi nəzarət altına almaq şansı var".

Tramp həmçinin, Suriya başçısını “köhnə düşmən” - İsraillə münasibətləri normallaşdırmağa çağırıb.

Bu arada qeyd edək ki, xarici KİV-lər Suriya Prezidentinin Dəməşqdə “Tramp Tower” tikmək istədiyini iddia edir.

***

ABŞ Prezidenti Donald Trampla Suriyanın keçid dövrü Prezidenti Əhməd əl-Şaraa (Culani) arasında görüş keçirilir. Bu barədə məlumatı “Al Arabiya” telekanalı yayıb.

Bildirilib ki, görüş hər iki ölkə liderinin səfərdə olduğu Ər-Riyadda baş tutub.

Bundan əvvəl isə, “Anadolu” agentliyinin məlumatına görə, Türkiyə Prezidenti Rəcəb Tayyib Ərdoğan, Donald Tramp, Səudiyyə Ərəbistanı Krallığının vəliəhdi Məhəmməd bin Salman və Əhməd əl-Şaraa görüş keçirib.

Türkiyə lideri görüşə telefon bağlantısı vasitəsilə qoşulub. Ərdoğan görüş zamanı Trampın Suriyaya qarşı sanksiyaların ləğv edilməsi barədə qərarının tarixi əhəmiyyət daşıdığını bildirib. 

“AzPolitika.info”