Ermənistanda səfərdə olan Rusiya XİN başçısı Sergey Lavrov erməni jurnalistlərin “xoşagəlməz” sualları ilə üzləşib. 

“AzPolitika” xəbər verir ki, Lavrova sualları erməni dilində verən jurnalistlər ondan “Rusiya Ukraynaya etdiklərini Ermənistana da etmək niyyətində olub-olmadığını” soruşub. 

Suala hiddətlənən Lavrov müqayisənin doğru olmadığını deyib: “Ermənistanın Ukraynalaşmasından necə söhbət gedə bilər? Ermənistan sivil ölkədir. Buna cavab verərkən özümü bir az yöndəmsiz hiss edirəm, çünki mənim cavabıma ehtiyacınız yoxdur”. O, sualın bu şəkildə qoyulmasının “Ukraynadakı nasist rejimini dəstəkləmək anlamına gəldiyini” iddia edib.

Lavrov “Ermənistanın Ukraynalaşması” üçün heç bir səbəb görmədiyini qeyd edib: “Ermənistan bizim dostumuzdur, rus dilini qanundan kənar qoymur, etnik rusları qanuni hüquqlarından məhrum etmir. Ukraynadan başqa dünyanın heç bir yerində dili qadağan edən qanunlar yoxdur. Ermənistanda Azərbaycan dili qadağan olunmayıb. Azərbaycanda erməni dili konstitusiya ilə qadağan edilməyib. Amma Ukraynada rus dili qadağandır".

“AzPolitika.info”