“Nazir universitetlərin inkişafına yalnız əngəllər törədib”
“Azərbaycanın 6 universitetinin “QS 2026: Dünya Universitetləri" reytinqində TOP-1000-ə daxil olması Emin Əmrullayevi də sevindirib. Görəsən, Əmrullayev öz-özünə sual verir ki, bu işdə onun əməyi nədən ibarətdir?”
“AzPolitika” xəbər verir ki, bunu keçmiş deputat, elm və təhsil sahəsi üzrə tanınmış ekspert Etibar Əliyev “Facebook” səhifəsində yazıb.
“Gəldiyim qənaət budur ki, nazir universitetlərin inkişafına yalnız əngəllər törədib”, – o əlavə edib.
E.Əliyev daha sonra misallar çəkib: “Məsələn, E.Əmrullayev BDU-nun Himayəçilər Şurasının sədridir. Universitetdə təhsilin və elmin inkişafı naminə onun bir cümləsini eşidən olubmu?
Universitetlər tələbə sayından asılı olaraq hər il Elm və Təhsil Nazirliyinin Təhsilin İnkişafı Fonduna 800.000 manatdan 1,2 milyon manata qədər pul köçürür. Bu vəsaiti universitetlər öz maddi-texniki bazasını yaxşılaşdırmaq və tədqiqatlara yönəltmək üçün istifadə edə bilməzdilərmi?
Ali məktəblərdən qoparılan milyonlar nazirlik əməkdaşlarının sosial müdafiəsinin yaxşılaşdırılmasına, mənasız qrantlara və tədbirlərə xərclənir.
Ali məktəblərə dərsliklərin yazılması və tərcüməsi üçün vəsait ayrılmır. Nəticədə yeni nəsil dərsliklərin tədrisdə və elmi tədqiqatlarda istifadəsi qənaətbəxş deyil.
Elm və Təhsil Nazirliyinin Kollegiya iclaslarında bir dəfə də olsun ali məktəblərdə təhsilin və elmin vəziyyəti müzakirə olunmayıb. Bu nazirlik bəlkə də ölkədə yeganə dövlət qurumudur ki, kollegiya iclası keçirmir.
Elm və təhsil naziri region ali məktəblərinin inkişafında maraqlı deyil. Məndə olan məlumata görə, region ali məktəblərinin rektorları nazirin qəbuluna belə düşə bilmirlər.
Elm və Təhsil Nazirliyi ali məktəblərdə distant təhsilin inkişafına heç bir töhfə verməyib. Nazirlikdə ali təhsili bilən bir mütəxəssis belə yoxdur”.
Ekspert daha sonra kifayət qədər muxtariyyət verilmiş Türk dünyasının universitetlərinin “QS 2026” Qlobal Reytinqindəki mövqeyini də təqdim edib:
Al-Farabi Qazax Milli Universiteti – 166
Orta Doğu Texniki Universiteti – 269
İstanbul Texniki Universiteti – 298
Qumilyov Avrasiya Milli Universiteti – 317
Koç Universiteti – 323
Satbayev Universiteti – 331
Boğaziçi Universiteti – 371
Sabancı Universiteti – 404
Bilkent Universiteti – 415
Daşkənd İrriqasiya və Aqrar Mexanikləşdirmə Mühəndisləri İnstitutu – Milli Tədqiqat Universiteti – 469
Azərbaycan universitetlərinin “QS 2026: Dünya Universitetləri” reytinqində yerləri:
-Bakı Dövlət Universiteti – 688
-Azərbaycan Dövlət İqtisad Universiteti (UNEC) – 801–850
-Azərbaycan Dövlət Neft və Sənaye Universiteti – 851–900
-Azərbaycan Texniki Universiteti – 851–900
-Bakı Mühəndislik Universiteti – 901–950
-Xəzər Universiteti / Khazar University – 951–1000
Eyni zamanda, bu reytinqə ilk dəfə daxil olan universitetlər:
-Azərbaycan Memarlıq və İnşaat Universiteti (AzMİU) – 1001–1200
-Sumqayıt Dövlət Universiteti – 1001–1200
-ADA Universiteti – 1201–1400
“AzPolitika.info”
Şərhlər
Azərbaycan Memarlıq və İnşaat Universiteti, Sumqayıt Dövlət Universiteti – 1001–1200 -!!!
ADA Universiteti – 1201–1400 - ???
Və bizlər bu reytinqə inanmalıyıq?
Azərbaycanda təhsil naziri tələbələri imtahandan kəsərək tələbə müavinətinin kəsir öz bücələrinə qənaət edirlər həm də ikinci imtahana cəlb etməklə büdcələrinin doldururlar keçiblər biznesə bunlara təhsil reytinq lazım deyil alver lazımdı vijdansızlara
təshil nazirliyində işini bilən mütəxəssis yoxdur. nazirliyi bir sürü işbazlar dəstəsi ələ keçirub. istədikləri kimi çapıb talayırlar. regional təhsil idarələrinə rüşvət alaraq avtoparklara baxan adamları rəis təyin edirlər. məsələn Quba da Əliyev adlı birisi.
Sabiq Deputat, fəal Fəlsəfi-Ekspet xalq təhsil nəzirliyinin daxili-məxarici nəticələrindən Nazirdən xəbərdarmış. Tıpki İsrail kimi İran dövlətinin ümumstrukturu deyil, bütün daxili və guya məxfi mühafizə-müdafiə məntəqələrinin hamısına çoxdan nəzarət edirmiş? İranın mühüm (əslində proİsrailmiş?) kəşfiyyatı belə onun nüvə-atom da daxil ən güclü belə hərbi mərkəzlərindən xəbərdar görünmür? Dil-dirçək gərək!?
MaşaAllah , Əmrullayevin karvanı da dayanmaq bilmir . Sələfə bax - xələfə qiymət ver, eks pert .
"Sumqayıt Dövlət Universiteti – 1001–1200"... Sumqayət universitetinin iqtisadçı Professoru Şəfa Əliyev, istəsə Universiteti pul gücünə siyahıda, bir az da qabağa salar, o bunu bacarır necə ki, elmi adları (elmlər namizədi, elmlər doktoru və s.) satırdı, bazarda satılan kartof-soğan kimi....