Fransa Prezidenti Emmanuel Makron bildirib ki, Rusiya pilotsuz uçuş aparatlarının Polşa ərazisinə müdaxiləsindən sonra bu ölkənin hava məkanını qorumaq üçün 3 ədəd «Rafale» qırıcısı göndərmək qərarı verib.
"Rusiya PUA-larının Polşa ərazisinə daxil olmasından sonra, mən NATO müttəfiqlərimizlə birlikdə Polşanın hava məkanını və Şərqi Avropa flanqını qorumaq məqsədilə üç «Rafale» qırıcısını cəlb etmək qərarı verdim", – deyə Makron bəyan edib.
Fransa lideri bu qərarı Polşanın Baş naziri ilə razılaşdırdığını və məsələni həm NATO-nun baş katibi, həm də Böyük Britaniyanın Baş naziri ilə müzakirə etdiyini vurğulayıb:
"Avropa qitəsinin təhlükəsizliyi bizim əsas prioritetimizdir. Biz Rusiyanın artan təhdidlərinə boyun əyməyəcəyik", – deyə o əlavə edib.
"AzPolitika.info"
Şərhlər