"Məktəblərdə qanun pozuntuları o vaxta qədər davam edəcək.." - Emin Əmrullayev

Elm və Təhsil Nazirliyi hüquq-mühafizə orqanı deyil.

APA xəbər verir ki, bunu elm və təhsil naziri Emin Əmrullayev məktəblərdə qanun pozuntularına cəza verilməsi hallarına münasibət bildirərkən deyib.

O bildirib ki, Nazirlik tənzimləyici qurumdur və hər bir halda qanun pozuntusuna reaksiya verir.

“Mənə elə gəlir ki, məktəblərdə qanun pozuntuları o vaxta qədər davam edəcək ki, nə vaxt bizim cəmiyyət anlayacaq ki, bu davranış qəbuledilməzdir. Yəni biz bu prosesi hamı ilə birlikdə etməliyik ki, məktəb daxili qaydalara hamı riayət etsin", - nazir qeyd edib.