Uzun illər rəhbər vəzifələrdə çalışan, 25 il Prezident Administrasiyasına, Milli Elmlər Akademiyasına (AMEA )rəhbərlik etmiş Ramiz Mehdiyev barəsəində 4 aylıq ev dustaqlığı qətimkan tədbiri seçilib.

YAP-dan olan deputat Məlahət İbrahimqızı Gununsesi.info–ya açıqlama verib:  “Azərbaycan xalqı Qalib Dövlətin vətəndaşı olmağı ilə fəxr etdiyi halda, bütün Türk dünyasının 44 günlük Vətən müharibəsində qazanılan möhtəşəm Zəfərin və 2023-cü il 19-20 sentyabr anriterror əməliyyatının uğurunu sevincini və qürurunu yaşadığı dövrdə Ramiz Mehdiyevin və bir qrup cinayətkar “silahdaşlarının” dövlət çevrilişi törətmək planı əziz Şəhidlərimizin qanı ilə suvarılmış Vətənimizə və Dövlətimizə qarşı ən böyük xəyanətdir. Fəaliyyəti dövründə Azərbaycan xalqının milli dəyərlərinə, Türk kimliyinə, islam dəyərlərinə nifrətini heç vaxt gizlətməyən Ramiz Mehdiyev kimi adamlar erməni revanşistləri ilə əməkdaşlıq etməyi belə özlərinə şərəf sayırlar.

Hər kəs bilir ki, 2009-13-cü illərdə Azərbaycan-Türkiyə arasında yaranmış böhran vaxtı Ramiz Mehdiyev bu senarinin baş müəllifi və əsas aktyoru idi. FETO-çularla , Ermənistanda, Rusiyada, eləcə də dünyanın hər yerində nə qədər Azərbaycan-Türkiyə düşməni var idisə bütün qüvvəsi ilə çalışaraq onlarla işbirliyində olub, bu iki qardaş ölkə, eləcə də möhtərəm Prezidentimiz cənab İlham Əliyev və Türkiyə Cumhuriyyətinin Prezidenti R.T. Ərdoğan arasında fitnə salmağa çalışırdı. Məqsəd isə əsas problemi və dərdi Qarabağ olan Azərbaycanı təkləməklə, Türk dünyasının iki əsas güclü dövləti, türk xalqlarını gələcəyə sürətlə aparan iki lokomotiv dövlət olan Azərbaycanla Türkiyə arasında düşmənçilik yaratmaq idi”.

Deputat vurğulayıb ki, Ramiz Mehdiyevin ən böyük “arzusu” da Azərbaycanı Türk dünyasından ayırmaq idi: “Onun bütün fitnələrinə baxmayaraq, əbədi olaraq arzusu gözündə qaldı. Bugün əbədiyyətə qədər bir olacaq Azərbaycan-Türkiyə müttəfiqliyi və iki qardaş liderin gürəsəl səviyyədəki uğurlu diplomatiyaları beynəlxalq aləmdə böyük nüfuza malikdir. Anlaqsız vəziyyətdə olan Ramiz Mehdiyev və onun kimilər toyuq korluğu səbəbindən Azərbaycanın və dövlət başçımızın misilsiz fəaliyyətini görə bilmirlər.

Çirkli və sinsi xislətli insanları gözü heç vaxt görməz. Çünki bu insanlar doğularkan dünyaya xain və xəyanətkar xislət və məramla gəlirlər. Azərbaycan xalqı dövlət çevrilişinin nə olduğunu çox yaxşı xatırlayır. Yadınımızdadır hətta dövlətimizin ən çətin vaxtlarında dövlətimizə qarşı törədilən bir neçə dövlət çevrilişinin qarşısı daima xalqına güvənmiş Heydər Əliyev qüdrəti ilə alınmışdır.

Hər kəs bilir ki, bugün bu siyasəti uğurla davam etdirən, dünya Lideri, Müzəffər Ali Baş Kamandanımız, möhtərəm cənab İlham Əliyev 44 gün içində üç əsirlik tarixi olan dünya erməniliyini darmadağın etdi.

Bu mənada Ramiz Mehdiyev kimi adamlar möhtərəm Prezidentimizin qüdrəti və nüfuzu, ona olan xalq məhəbbəti qarşısında çox, cılız, kiçik və xırdadırlar. Onların bu cinayətləri həm də xalqa qarşıdır. Xalqımız öz Lideri arxasında daima bir yumruq olaraq, əfsanəvi gücə Dəmir Yumruğa çevrilibdir”.

"Son olaraq qeyd edim ki, Azərbaycan güclü dövlətdir və dövlətimizin, xalqımızın keşiyində duran sarsılmaz qurumlar mövcuddur və əminik ki, ən qısa zamanda dövlətə və xalqa xəyanət edən bu cinayətkarların layiqli cavabları veriləcəkdir”-deyə deputat fikirlərini yekunlaşdırıb.