Naxçıvan Muxtar Respublikası (MR) kənd təsərrüfatı nazirinin müavini Xəyalə Dadaşova tutduğu vəzifədən azad edilib.

Naxçıvan MR Ali Məclisi sədrinin birinci müavini Bəxtiyar Məmmədov oktyabrın 20-də bununla bağlı sərəncam imzalayıb.

Sərəncama əsasən, Xəyalə Dadaşova vəzifəsindən azad edilib.

"AzPolitika" xatırladır ki, Xəyalə Xalıqverdi qızı Dadaşova Naxçıvan Muxtar Respublikası kənd təsərrüfatı nazirinin müavini vəzifəsinə 2023-cü ilin fevralın 28-də təyin edilmişdi. Eyni zamanda Naxçıvan Muxtar Respublikası kənd təsərrüfatı nazirinin vəzifələrini müvəqqəti icra etmək səlahiyyəti nazir müavini Xəyalə Dadaşovaya verilmişdi. O, Naxçıvana təyinatdan öncə Azərbaycan Respublikası Kənd Təsərrüfatı Nazirliyində çalışıb.