Moskva ərazisində yerləşən bu iki kritik müəssisənin məhv edilməsi vacibdir.
Bunu ukraynalı hərbi ekspert Anatoliy Xrapçinski deyib.
Xrapçinskinin sözlərinə görə, həmin müəssisələrdən biri “taktiki raket silahlanması”, əsasən X-101, X-555, X-69 və X-59 kimi raket siniflərinin istehsalı ilə məşğuldur. Digər müəssisə isə “Jukovski” adlanan zavoddur ki, orada Tu-95MS bombardmançı təyyarələrinin təmiri aparılır.
Ekspert vurğulayıb ki, Ukrayna hazırda uzaq məsafədən zərbə endirə bilən vasitələrin sayını artırmağa çalışır, lakin yalnız emosional zərbələrdən danışmaq kifayət etmir — əhəmiyyətli obyektlərə zərbələr endirmək imkanı haqda da düşünmək lazımdır.
“Bu obyektlərə zərbələrə ehtiyac var və öncədən Rusiya hava müdafiəsinin yoxlanılması vacibdir,” — deyə Xrapçinski bildirib.
O əlavə edib ki, bəzi "OSINT" tədqiqatçıları Moskva regionunda yerləşən hava müdafiə vasitələrinin – hətta dəqiq koordinatlarla – açıq mənbələrdə mövcud olduğunu aşkar ediblər.
"AzPolitika.info"
Şərhlər