Ukrayna Energetika naziri Qerman Qaluşşenkonun və Ədliyyə naziri Svetlana Qrinçukun istefalarının müzakirəsi planlaşdırılan Ukrayna Ali Radasının iclası ləğv edilib.
“AzPolitika” xəbər verir ki, Ukrayna mediasının məlumatına görə, parlamentin işi bir neçə deputatın "real kadr qərarları" tələb edərək kürsünü bağlamasından sonra dayandırılıb.
Deputat Yaroslav Jeleznyak qeyd edib ki, Qaluşşenko və Qrinçukun işdən çıxarılması ilə bağlı səsvermə bu gün keçirilməli idi, lakin kürsünün bloklamasından sonra spiker əvvəlcə fasilə elan edib, sonra isə iclası tamamilə təxirə salıb.
Müxalif “Avropa Həmrəyliyi” fraksiyası hökumətin tam istefası nəzərdən keçirilənə qədər nazirlərin işdən çıxarılmasını dəstəkləməyəcəyini bildirib. Pyotr Poroşenko da daxil olmaqla, blokun nümayəndələri kürsünü bağlayaraq, hökumətin istefasını tələb ediblər.
“AzPolitika.info”
Şərhlər