Hazırda həbsdə olan Gürcüstanın keçmiş prezidenti Mixail Saakaşvili, ölkənin indiki hakimiyyətini yalnız Qərb dövlətləri ilə deyil, həm də Azərbaycan və Ermənistanla olan əlaqələri zədələməkdə suçlayıb. O, hazırkı hökumətin regional və beynəlxalq münasibətlərə zərbə vurduğunu vurğulayıb.

“AzPolitika” xəbər verir ki, bu barədə o,"facebook" hesabında paylaşım edib.

Sabiq prezident Gürcüstanın Azərbaycan üçün problemlər yaratmağa başladığını bildirib: “Tbilisi artıq Azərbaycan üçün yüklərin daşınması ilə bağlı problem yaradıb. Azərbaycan mətbuatı haqlı olaraq bunda Rusiyanın təsirini görürlər. Ruslar Kiyevdəki Azərbaycan Səfirliyini bombalayır, burada isə marionetkaları vasitəsilə əlaqələrdə problem yaradırlar. Görünür ki, azərbaycanlı jurnalistlərin yazdıqları rəsmi Bakının haqlı hiddətini əks etdirir”.