Birləşmiş Millətlər Təşkilatının Baş Assambleyası Fələstinlə bağlı qəbul etdiyi qətnamənin ardınca bu dəfə Suriyanın işğal altındakı Qolan bölgəsinə dair kritik səsvermə keçirib.
Qətnamədə 123 ölkə İsrailə “işğala son qoy, çəkil” çağırışı edib.
Qətnamə İsrailin işğalının “qanunsuz, etibarsız və hökmsüz” olduğunu bir daha təsdiqləyir.
Türkiyənin BMT Təmsilçisi Ahmet Yıldız bununla bağlı bildirib:“Beynəlxalq ictimaiyyət Suriya Qolanının işğalının keçərsiz və hökmsüz olduğunu həmişə vurğulayıb. Bu cür hücumlar dərhal dayandırılmalıdır”.
O, İsrailin Suriya ərazilərinə həyata keçirdiyi hücumların regional sabitliyi ciddi şəkildə təhdid etdiyini də diqqətə çatdırıb.
"AzPolitika.info"
Şərhlər