İranın Ali Milli Təhlükəsizlik Şurasının baş katibi Əli Laricani Tehranın Yaxın Şərqdəki hədəflərini açıqlayıb.

Bu haqda İran KİV məlumat yayıb.

Laricani bəyan edib ki, İran ABŞ bazalarına zərbələr endirmək niyyətindədir və onların Amerika ərazisi olduğunu iddia edir.

“Biz regiondakı ölkələrə hücum etmək niyyətində deyilik... Biz bölgədəki bazalara hücum etdik və onlar ABŞ-nin nəzarəti altında qaldıqca onlara hücum etməyə davam edəcəyik”, - o bildirib. (“Qafqazinfo”)

İran tərəfi Dubayda nəyi vurmaq istədiyini də açıqlayıb.

Musavat.com xəbər verir ki, Fars agentliyi hədəfin ABŞ Mərkəzi Kəşfiyyat İdarəsinin (MKİ) Dubay şəhərindəki qərargahı olduğunu açıqlayıb.

Qeyd edək ki, İranın Dubay Beynəlxalq Hava Limanına hücumu nəticəsində dörd nəfərin yaralandığı bildirilir. Bundan əlavə, BƏƏ hökumətinin mətbuat xidməti vurulan pilotsuz təyyarənin qalıqlarının Dubaydakı Burj Al Arab otelinə dəydiyini və yanğına səbəb olduğunu bildirib. Xəsarət alanlar barədə məlumat verilməyib.