Kreml təbliğatının əsas fiqurlarından sayılan Vladimir Solovyov son günlər Almaniyanı xüsusi olaraq hədəf alıb.

“AzPolitika” xəbər verir ki, V.Solovyov “Rossiya 1” telekanalının efirində Almaniyanın ünvanına yeni iddialar və ittihamlarla çıxış edib.

Kreml təbliğatçısı Almaniyada yaşayan rusları Rusiyaya qayıtmağa çağırıb: “Nə edirlər bizim vətəndaşlar Almaniyada? Evə qayıdın. Müharibə gedir. Bəsdir illüziyalara qapıldınız. Siz orada tezliklə ikinci sort insanlara çevriləcəksiniz. Sizin üçün artıq konslagerlər tikilib... Artıq deyilb ki, sizi harda və necə doğulduğunuza görə təqib edəcəklər”.

Solovyov sonda almanların yer üzündən silinməli olduğunu bildirib: “Hamısını yer üzündən silmək lazımdır. Bitdi, zarafat qurtardı”.

“AzPolitika.info”